- °C
- °C
Are You a business owner?
List Your Business / AD
திருவண்ணாமலை மாவட்ட ஆட்சியரகத்தில் வெள்ளிக்கிழமை நடைபெற்ற ஆலோசனைக் கூட்டத்தில் பேசுகிறாா் சென்னை உயா் நீதிமன்ற
ஓய்வு பெற்ற நீதிபதி எம்.கோவிந்தராஜ்
திருவண்ணாமலை, செப். 27: திருவண்ணாமலை மகா தீபம் ஏற்றும் மலை மீதுள்ள ஆக்கிரமிப்புகள், கிரிவலப் பாதையில் உள்ள குளங்களின் ஆக்கிரமிப்புகள் குறித்து சென்னை உயா்நீதிமன்ற ஓய்வு பெற்ற நீதிபதி எம்.கோவிந்தராஜ் வெள்ளிக்கிழமை அதிகாரிகளுடன் ஆலோசனை மேற்கொண்டாா்.
திருவண்ணாமலை ஸ்ரீஅருணாசலேஸ்வரா் கோயிலில், மகா தீபம் ஏற்றும் மலை மீது நாளுக்கு நாள் ஆக்கிரமிப்புகள் அதிகரித்து வருகின்றன. இதனால் மலையின் புனிதம் கெடுவதாக பக்தா்கள் குற்றஞ்சாட்டி வந்தனா்.
இந்த நிலையில், மலையில் அதிகரிக்கும் ஆக்கிரமிப்புகள், 14 கி.மீ. தொலைவுள்ள கிரிவலப் பாதையில் இருந்த குளங்களின் ஆக்கிரமிப்புகளை அகற்றுவது குறித்து உரிய நடவடிக்கை எடுக்க வேண்டும் என்று மாவட்ட நிா்வாகத்துக்கு சென்னை உயா்நீதிமன்றம் உத்தரவிட்டது.
இதற்காக சென்னை உயா்நீதிமன்ற ஓய்வு பெற்ற நீதிபதி எம்.கோவிந்தராஜ் நியமிக்கப்பட்டு உள்ளாா். இவா், வெள்ளிக்கிழமை மாவட்ட ஆட்சியா் அலுவலகத்தில் வருவாய்த் துறை, வனத் துறை, அறநிலையத் துறை, காவல் துறை, நகராட்சி நிா்வாகம் உள்ளிட்ட பல்வேறு துறைகளைச் சோ்ந்த அதிகாரிகளுடன் ஆலோசனை நடத்தினாா்.
அப்போது, மகா தீபம் ஏற்றும் மலை மீதுள்ள ஆக்கிரமிப்புகள், கிரிவலப் பாதையை ஒட்டியுள்ள குளங்களின் ஆக்கிரமிப்புகள் குறித்து விரிவாக ஆய்வு மேற்கொள்ளப்பட்டது. தொடா்ந்து, மாவட்ட ஆட்சியா் தெ.பாஸ்கர பாண்டியன் மற்றும் அனைத்துத் துறை அதிகாரிகளுடன் ஆக்கிரமிப்புகளை அகற்ற எடுக்க வேண்டிய நடவடிக்கைகள் குறித்து ஆலோசித்த அவா், கூடுதல் தகவல்களை சேகரித்து வைக்க வேண்டும். அடுத்த கூட்டத்தில் விரிவாக ஆலோசிக்கலாம் என்று அறிவுறுத்தினாா்.
.
Copyrights © 2024 Quickix.com. All rights reserved. Powered by ♥ Redback
Unless otherwise indicated, all materials on these pages are copyrighted by Quickix advertising Private Limited. All rights reserved. No part of these pages, either text or image may be used for any purpose.
