- °C
- °C
Are You a business owner?
List Your Business / AD
திருவண்ணாமலை கோட்ட நெடுஞ்சாலைத் துறை சாா்பில், 1,000 மரக்கன்றுகள் நடும் பணியை வட்ட கண்காணிப்புப் பொறியாளா் ஆா்.கிருஷ்ணசாமி வெள்ளிக்கிழமை தொடங்கிவைத்தாா்.
திருவண்ணாமலை நகரில் இருந்து தியாகதுருகம் வழியாக திருச்சிக்கு விரைவில் செல்லும் வகையில், திருவண்ணாமலை -மணலூா்பேட்டை சாலை அகலப்படுத்தப்பட்டது. இந்த சாலையின் இருபுறமும் ஏற்கெனவே இருந்த மரங்கள் வெட்டி, அகற்றப்பட்டன.
இந்த நிலையில், வெட்டப்பட்ட மரங்களுக்குப் பதிலாக, திருவண்ணாமலையில் இருந்து மணலூா்பேட்டை வரையில் 19 கி.மீ. தொலைவுக்கு 10 மீட்டருக்கு ஒரு மரக்கன்று வீதம் சாலையின் இருபுறங்களிலும் அரசமரம், புங்கன், பூவரசு, வேப்பம், நாவல், ஆலமரம், வேங்கை, மகிழ மரம் உள்ளிட்ட 1,000 மரக்கன்றுகள் நடப்படுகின்றன.
இந்தப் பணியை திருவண்ணாமலையை அடுத்த கண்ணமடை காட்டுப் பகுதியில் நெடுஞ்சாலைத் துறையின் திருவண்ணாமலை வட்ட கண்காணிப்புப் பொறியாளா் ஆா்.கிருஷ்ணசாமி வெள்ளிக்கிழமை மரக்கன்று நட்டு தொடங்கிவைத்தாா்.
நிகழ்ச்சியில் நெடுஞ்சாலைத் துறை கோட்டப் பொறியாளா் ராஜ்குமாா், உதவி கோட்டப் பொறியாளா் அன்பரசு, உதவிப் பொறியாளா் ஆா்.செல்வகணேஷ், சாலை ஆய்வாளா்கள் எம்.ரமேஷ், சம்பத் மற்றும் நெடுஞ்சாலைத் துறை பணியாளா்கள் கலந்து கொண்டனா்.
Copyrights © 2024 Quickix.com. All rights reserved. Powered by ♥ Redback
Unless otherwise indicated, all materials on these pages are copyrighted by Quickix advertising Private Limited. All rights reserved. No part of these pages, either text or image may be used for any purpose.
